هل الشوفان للتخسيس ولا زيادة الوزن ولا للضخامه العضليه ولا للتنشيف ؟
الشوفان تقريباً موجود فى 90% من الانظمه الغذائيه بمختلف اهدافها
اولاً: لازم تعرف ايه اللى يميز الشوفان عن اي صنف تانى ، تعالى نعرف ايه اللى موجود فى كل 100 جرام شوفان
خد عندك :
16,9 جرام بروتين .
67 جرام كارب .
3 7 جرام دهون صحيه .
4 390 سعر حرارى .
5 و معادن كتييير زى ( الحديد ، الكالسيوم ، بوتاسيوم ، زنك ، صوديوم ،ماجنزيوم ، فوسفور ،النحاس) .
6 وفيتامينات زى فيتامين ( ج ) و ( أ ) و (ب) .
ده غير انه بيقلل الشعور بالجوع وبيسهل عملية الهضم والاخراج وبيمنع تقلبات المعده زى الاسهال والامساك..وفوائد تانيه كتييير
ثانياً: كل انسان بيحتاج كم معين من الطاقه عشان يعيش اللى هيا السعرات الحراريه و اللى مصدرها الاكل (اى اكل بقا)
فلو شخص بيحتاج 2500 سعر يومياً واكل 2000 بس الجسم بيعوض النقص من الدهون المخزنه فى الجسم وبالتالى هيخس..ولو زود عن ال 2500 الجسم هيخزن السعرات الزياده على شكل دهون وبالتالى هتتخن
اذاً : الخلاصه : مفيش اكل معين للتخسيس او زيادة الوزن او غيره ، ولكن اللى بيحدد هو سعرات النظام الغذائي فقط
طب ليه الشوفان موجود فى اى نظام غذائي؟ بسبب كل الفوائد اللى قولتهالك فوق دى وده السبب اللى يميزه عن كثير من الاصناف
متنساش تتابعنا علشان تستفاد ويوصلك كل جديد
إرسال تعليق
نشكرك علي مشاهدة الموضوع الرجاء ضع لنا تعليق للتحفيز علشان نستمر في نشر المزيد