المكملات - Supplements
باقي المكملات :
الاحماض الامينيه : الكرياتين - الجلوتامين - الامينو - ال BCAA - الارجنين - السترولين ..الخ
محفزات الهرمون ( Test booster - GH booster - Thyriod booster)
Aromtase Blockers
المكملات المصريه الي التجار رزعوها علينا
Creatine - الكرياتين
1- فاكر المقال الي فات لما قولت المكملات مش سحر و سهله جدا لو بتظبط اكلك و مش محتاجها
الا المكمل دا .. دا اهم مكمل و عمرك ما هتعرف تعوضه لا بأكل ولا بأي شئ
فوايده :
1- قوه تحمل الاوزان بسبب مراكز ال ATP ... ازاي ؟
عارف و انت بتلعب 12 عده بنش عالي .. بتيجي ساعه العده ال 9 و 10 الدنيا هاه بتجيب اخرك و بتطلع روحك .. اهو المكمل دا هيساعدك في الحته دي
2- هيخزن مياه داخل العضلات و دا عامل مهم جدااا في تحمل الاوزان و شكل العضله و البامب ( تخزين المياه دا مفيد جداا للقوه و الشكل و الهدم )
3- تحسين الاداء الرياضي بتاعك في التمارين المركبه زي الاسكوات و الديد ليفت هتحسنك نسيبيا بشكل كويس
دي الافاده الاساسيه للمكمل و اي زياده مش مستاهل ذكره
يا كابتن في مدربين بتقول ملوش لازمه التحميل
لازم تفهم ايه فكره التحميل
التحميل هو بيسرع تخزين عضلات بالكرياتين .. لكن لو معملتش Loading هيتخزن برضوا لكن ابطئ ما تحمل
ف التحميل دا ليه فايده كبيره بنسبالي
افضل تحميل عن تجربتي سكوب فقط 5 جرام لكل 6 ساعات لمده 5 ايام فقط
فايده الكرياتين قبل التمرين : هو الاداء
بعد التمرين : انت بتعيد تخزينه تاني في ال ATP لانك بتستهلك منه في التمرين
مكمل قوي و مهم جداا و اساسي
لل Steroids users
الكرياتين مكمل رهيب مع الدنابول و الانادرول
انت شكلك هيتحول بنسبه 500% مجرد دخوله مع الدنابول او الانادرول و الانسولين <3 ( طبعا هرمون التستيرون اساسي في اي كورس ) عشان المحنكين الي هتقول فين التست يا كوتش
مش بنصح اي حد بالمنشطات و غير مسئول عن تقليدك لتجريبتي الا بمتابعه مدرب مسئول عنك
ال Amino :
انت بتضرب امينو يسطي ؟ كلمه مش بتطلع غير واحد سحليه معضم
ايه الامينو دا ؟ الامينو دا بروتين عادي جدا بس دي المرحله التانيه
ازاي ؟ البروتين الي بتاخده سواء من الفراخ و الواي و اللحمه و و و
بيخش جسمك يتحول في الكبد لي امينو يقوم الكبد عن طريق الانسولين بيخزنو في ال Fiber cells بتاعت عضلاتك
طب ايه الفكره ؟ زي بظبط الرز الي بتاكله بيخش جسمك يبقي سكر .. كارب بيخش جسمك يبقي سكر جلوكوز = جلايكوجين = عضلات
بروتين = امينو = عضلات
كارب بيخش جسمك يبقي جلايكوجين يتخزن في العضلات عن طريق الانسولن
بروتين بيخش جسمك يتحول لامينو يتخزن في العضلات
يعني الامينو دا عامل اسرع للبروتين انك مدخل المرحله الكبيره علي طول
هل بعد الرغي دا ليه فوايد ؟ لا
اسف
اه والله خدتو عشان الضجه بتاعت امينووو يسطاااا انت بتاخد امينو
اقسم بالله ولا فرق معايا بي 1% عن انه بروتين عادي
و الي هيفيدك فيه هو الليوسين و الفالين و ايزو ليوسين الي هما اهم تلاته \الي هما فيه ال BCAA
تجريبتي كانت علي
1- amino universal (2017)
2- amino 2222 ( 2015)
3- amino beef بتاع كارنيفور
و كنت سارقه من صحبي تقريبا معمليش حاجه عشان حرام
تجريبتي كانت من 2015 لحد 2018 و كانت زيرو من المكمل دا
ال BCAA و ال HMB , EAA
نزل عليه ابحاث انه ملوش لازمه
ليه يبني اصل بيقولو لازم تاخد معاه انسولين ؟
ليه ؟
يعني الانسولين اكبر هرمون تخزين و مضاد هدم في العالم
هيفرق معايا اخد معاه مكمل للريكوفري ليه ؟
كلام طبعا ملوش اي لازمه بنسبالي
هل هو مفيد ونا بضخم ؟ لا
هل مفيد ونا بنشف ؟ طبعا
ليه ؟
كل واحد بينشف بأسلوب
كنت بتمرن كارديو صايم كان بيفرق معايا جدا !!!!!!!!! بشكل ملحوظ
فرق في البامب و شكل العضله و انه حافظ علي حجمي رغم المجهود الي بعمله علي قله الكارب و صايم كمان
مدربين بتقول بالدراسات ان ال HMB فعال عنه .. حصل
بس كل مكملات ال HMB خدتها ونا موقف ستيرويد عشان اشوف الفرق
تجريبتي كانت ال BCAA افضل منهم لكن الدراسات بتقول ال HMB اقوي
رغم ان سعرهم متقارب يعني مش هيفرق معايا اصلا !
مكملات ال HMB الي جربتها
1- ON
2- OLIMP (كان جايلي هديه من ماكس ماصل)
3-USN و من مصر
ال 3 افشل من بعض
ال BCAA فعال عنهم جداا عن تجريبتي وقت التنشيف فقططططططط
افضل مكمل BCAA
1- Xtend Perform مكمل بلا منازع كان قوي جدااا و هو فقط مش اي اكستنيد
2- Care Taker مكمل شبح حرفيا و بطل جدا
مفيش BCAA زيهم في العالم كله
انا شخص جربت جميع ال BCAA و مصري و كل الشركات
ال 2 دول ملهمش بديل
مترميش فلوسك علي ال EAA
هات من الصيدليه بوتاسيوم و مغنسيوم و كالسيوم مكمل للمعادن عموما مع ال BCAA
انا لو معايا فلوس برضوا مش هشتريه و هشتريهم من الصيدليه لان دا الصح مش
L-Carantine
اي مدرب عايز يخسس اي لاعب بيدهوله
هو مش بيحرق دهون اصلا بيشكل مباشر
هو بيلعب علي الميتاكوندريا مش اكتر ان بيخلي جسمك يستهلك من الدهون المخزنه كطاقه و يحرق منها
زي فكره الكيتو : بيستخدم الدهون المخزنه في جسمك بدل الجلايكوجين و يركز اكتر من ان يستهلك الطاقه من الدهون
منتج مش فعال بنسبه كبيره
ممكن اخده في اواخر تنشيفي و لكن ميستحقش الفلوس
مكمل مش بيحرق دهون بشكل مباشر ف متخدوش و انت فاكر انه هيخسسك
فادني في حاجه تانيه خالص في موضوع الحيوانات المنويه بعد السايكل فقط
جلوتامين :
خساره ال 3 ميجا من الباقه الي ممكن اكتب كلام عنه .. رمي فلوس علي الارض بنسبالي و عمره ما كان مفيد ليا بجنيه ..
الارجنين - السترولين - البيتا الانين - اجماتين - الكافين
الارجنين : يقال انه بيحفز هرمون النمو .. بيقلل من الهدم العضلي
انا تجريبتي كانت للبامب و العروق فقط .. فادني في شكل العروق و البامب
احسن مره خدته و فرق معايا كان
1- الخام
2- ALL MAX
الاتنين واحد و كانه جامدين جدا جدا
السترولين- ال سترولين ماليت : مفيش الفرق الي بينهم رهيب ولا في الجرعات
محستش بفرق بينه و بين الارجنين رغم ان الدرسات بيقوله انه اقوي
لكن مكنش فيه فرق
جربت نوعين
1- Performance
2- Maxmuscle
بدون انحياذ بتاع ماكس ماصل مكنش كويس بنسبه حلوه
محصليش بامب اطلاقا غير من البيرفورمانس
البيتا الانين :
مكمل حلو ونا بلعب الاسكوات و خلاني اشيل اوزان فعلا بس بيوجع البطن
و بيدوخني .. و تعبني جداا
فايدته فقط لل POwer-lifters الي بتشيل اوزان شديده جداا
فرق معايا فعلا مش هقول لا لكن مش محتاجه اشيل اوزان و مش طالبه معايا وجع بطن و تعب
الكافين : منتج حلو جدا للطاقه و التركيز و البامب و القوه و حرق الدهون
مش بيحرق دهون بشكل مباشر او مرحله اولي و لكن هو فعال و كويس جداا مع منتجات الطاقه او فتره التنشيف او الضخامه كمان
السترولين و الارجنين و الاجماتين كلهم مشتقين من بعض و كلهم واحد لكن تجريبتي كانت الارجنين اقوي من الاخر يعني
محفزات الهرمونات
كنا بنقول علي الي بيشتريها زمان معلم و غني في 2015
ايه دا يسطي دا بياخد تست بوستر يا بخته
TEST Booster بكل انواعه و خاصه الترايبلوس
1- ولا ليه لازمه 1% للعضلات ولا لمنع الهدم
لكن ليه فايده حلوه اوي و هيا الجنس .. بيظبط الفري تست شويه من حيث ال SHBG و فعال للشهوه و الانتصاب
و الارجنين ممتاذ جدا للانتصاب بروضا
2- ملوش اي لازمه في ال PCT شايفك يلي بتروح تقوله هات بعد السايكل تست بوستر
حبيبي دي مجرد اعشاب و شويه حاجات مش هتشغل الغده يا حبيبي
حبيبي انت محتاج SERMS زي النولفا و الكلوميد مش تشرب حلبه ييسطي
فوق يا حبيبي
3- منتج فاشل بنسبالي و رمي فلوس علي الارض
GH booster :
هشتريه ليه ؟ عايز سبب مقنع ؟ لا بيحرق دهون ولا هيطولني و لا هيطول بتاعي حتي .. هاخده ليه ؟
هموت و اعرف الي اشتروه عملوه بي ايه ؟
علي الاقل التست بوستر ليه فايده جنسيه .. انما دا بتاخدوه ليه ؟ هما تقريبا بياخدوه
Thyroid Booster :
هيا فكرتها لحرق الدهون
مكملات بتحفز الغده الدرقيه
ف روح لحوارق الدهون الي في البوست الي فات و ملكش دعوه بالكلام دا
يا تاخد T3 هرمون او التروكسين T4 و تريح نفسك و تجيب من الاخر
انما دا لعب عيال بترمي فلوس علي الفاضي
كأنك بتتفرج علي فيديوهات قليله الادب عربي مقرفه (ذنوب علي الفاضي)
ال Aromtase blockers
دي عملوها خدعه عشان الناس الي عندها جاينو (تثدي) و مكملات تحميك و معرفش ايه و كلام ميضحكش بيه علي عيل صغير
عندك مشاكل في ال E2
و الارمطه يا دكتور و تحليل و في الاخر هترسي علي ارميدكس او فيمارا او اروماسين علي حسب حالتك
انما مكملات دي لا .. بطل ترمي فلوسك في الارض
للعلم انا غير متاح حالين على البيدج
إرسال تعليق
نشكرك علي مشاهدة الموضوع الرجاء ضع لنا تعليق للتحفيز علشان نستمر في نشر المزيد